Palët do të nënshkruajnë brenda ditës së sotme një marrëveshje koalicioni për bashkëqeverisje.
Kjo u konfirmua për gazeten, nga nënkryetari i LDK-së në Viti, Hasan Aliu.“Po brenda ditës do të ketë një nënshkrim të marrëveshjes me PDK-në për më shumë do të njoftoheni me kohë”, tha shkurt Aliu.
Një marrveshje të tillë e ka konfirmuar edhe kryetari I Degës së e PDK-së në Viti, Bekim Azizi, i cili po ashtu ka konfirmuar se sot lidhin koalicion me LDK-në.Me këtë marrëveshje, Azizi tha se pret që PDK-së i takojnë disa drejtori komunale dhe posti i kryesuesit të kuvendit komunal.
“Është e vërtetë sot do të nënshkruajmë një marrëveshje për bashkëqeverisje me Lidhjen Demokratike të Kosovës, po marrëveshja përmban ndarjen e drejtorive dhe kryesuesin”, tha Azizi.
Palët nuk kanë dhënë më shumë detaje lidhur me marrëveshjen e tyre për bashkëqeverisje.Ndryshe, Komuna e Vitisë ishte në balotazh mes Sokol Halitit të LDK-së dhe Arsim Ademi të VV, ku fitues doli Haliti duke u zgjedhur në krye të komunës për mandatin e tretë dhe LDK fitoi më së shumti vende në kuvendin komunal, 11 këshilltarë.
Me këtë marrëveshje me PDK e cila në kuvend ka 7 vende, LDK do të sigurojë shumicën që i duhej në Kuvendin komunal gjatë këtij mandati qeverisës.
Aziz Zuka
