Dega e PDK-së deponon ankesë kundër vendimit për miratimin e Planit Zhvillimor Komunal (PZHK)
Dega e Partisë Demokratike të Kosovës në Gjilan dje ka deponuar një ankesë kundër vendimit të Kuvendit Komunal për miratimin e Planit Zhvillimor Komunal 2021-2029 të Komunës së Gjilanit.
Kjo degë, ka gjetur se i gjithë procesi i hartimit dhe miratimit të këtij dokumenti të planifikimit hapësinor nga Komuna e Gjilanit është zhvilluar në kundërshtim me dispozitat e legjislacionit në fuqi.
Sipas saj, procesit të miratimit të Planit Zhvillimor Komunal 2021-2029 të Komunës së Gjilanit, i ka paraprirë dhëna e dy pëlqimeve të kundërligjshme nga ministria e linjës: Pëlqimi mjedisor për Raporti të Vlerësimit Strategjik Mjedisor për Planin Zhvillimor Komunal të Komunës së Gjilanit dhe pëlqimi për miratimin e Planit Zhvillimor Komunal 2021-2029 të Komunës së Gjilanit.
Pëlqimi mjedisor për Raportin e Vlerësimit Strategjik Mjedisor nga Ministria e Infrastrukturës dhe Ambientit, Drejtorisë për Urbanizëm, Planifikim dhe Mbrojtje të Mjedisit – Komunës së Gjilanit, i jepet pa u përmbushur kërkesa ligjore, e posaçërisht pa ju nënshtrua ky raport shqyrtim publik 30 ditorë .
Në arsyetimin e vendimit të Ministrisë së Infrastrukturës dhe Ambientit thuhet se pjesë e shqyrtimit të dokumentacionit në kohën e shqyrtimit kërkesës së Drejtorisë për Urbanizëm, Planifikim dhe Mbrojtje të Mjedisit – Komunës së Gjilanit, ka qenë: 1. Raporti i Vlerësimit Strategjik Mjedisor për Planin Zhvillimor Komunal të Komunës së Gjilanit; 2. Proces verbali i Debatit Publik për draft- Raportin e Vlerësimit Strategjik Mjedisor për Planin Zhvillimor Komunal të Komunës së Gjilanit dhe 3. Lista e pjesëmarrësve në debat publik, me çka dhe vërtetohet se draft raporti nuk i është nënshtruar shqyrtimit publik 30 ditorë, përmes organizimit të debat publik.
Me këtë publikut i është mohuar e drejta ligjore për të shprehur mendimin e tyre lidhur me draft raportin. Pjesëmarrja e publikut dhe e grupeve të ndryshme të interesit në diskutime (shqyrtime) për aspekte jetike për qytetarët, është me rëndësi të veçantë dhe i jep legjitimitet përmbylljes së proceseve në komuna dhe në nivelin nacional.
Ligjit për Vlerësimin Strategjik Mjedisor,Nr. 03/L-230, kërkon që afati kohor për të shprehur mendimin e tyre trupat konsultues dhe publikun lidhur me draftin e Raportit të Vlerësimit Strategjik Mjedisor të jetë i mjaftueshëm për të shprehur mendimin e tyre lidhur me dokumentin relevant dhe në çfarëdo rasti nuk duhet të jetë më pak se tridhjetë (30) ditë.
Kjo degë ka gjetur, se ka dhe një disharmoni në mes të raporti të Vlerësimit Strategjik Mjedisor dhe Planit Zhvillimor Komunal, e që sipas saj traseja hekurudhore e planifikuar me Planin Zhvillimor Komunal për ndërtimin e së cilës është marr dhe pëlqimi mjedisor nuk kalon nëpër lokalitete e paraqitura në draftin final të Planit Zhvillimor Komunal, i cili ka qenë dhe në shqyrtim publik 30 ditorë, ku publikut i është mundësuar që të jap vërejtjet, komentet dhe sugjerime, lidhur me këtë draft dokument.
Mirëpo, përkundër fakti se ky dokument ka qenë në shqyrtim publik, përmes të cilit publiku ka qenë i informuar për trasenë e hekurudhës. Me miratimin e Planit Zhvillimor Komunal 2021-2029 të Komunës së Gjilanit, traseja e hekurudhës ndryshohet.
Drejtoria për Urbanizëm, Planifikim dhe Mbrojtje të Mjedisit- Komuna e Gjilanit, ka qenë e njoftuar me pëlqimin mjedisor të Ministrisë së Infrastrukturës dhe Ambientit, se: “Në qoftë se, vije deri te ndryshimi i Planit Zhvillimor Komunal të Gjilanit, duhet të hartoj Raportin e Vlerësimit Strategjik Mjedisor dhe të aplikoj në Ministrinë e Infrastrukturës dhe Ambientit për Pëlqim Mjedisor për Raportin e Vlerësimit Strategjik Mjedisor të Planit Zhvillimor Komunal”, e që në rastin konkret kemi ndryshim të Planit Zhvillimor Komunal, por se nuk kemi ndonjë raport të ri të VSM-së.
Komuna e Gjilanit, shqyrtimin publik për Planin Zhvillimor Komunal 2021-2029 të Komunës së Gjilanit, e bën pa u bërë shqyrtimi i ligjshmërisë nga Ministria e Infrastrukturës dhe Ambientit për aktin e komunës- Vendimin për shpalljen e shqyrtimit publik të Projekt- Planit Zhvillimor Komunal.
Projekt-Planin Zhvillimor 2021-2029 të Komunës së Gjilanit, Drejtoria për Urbanizëm, Planifikim dhe Mbrojtje të Mjedisit në Gjilan, e procedon për miratim në Kuvendin Komunal, pa u bërë verifikimi nga Ministria e Ekonomisë dhe Ambientit për përputhshmërinë e tij me Planin Hapësinor të Kosovës, Hartën Zonale të Kosovës dhe normat teknike të planifikimit hapësinor, çka dhe është vërtetuar në seancën e fundit të Kuvendit Komunal nga vetë drejtori i Drejtorisë për Urbanizëm, Planifikim dhe Mbrojtje të Mjedisit, i cili shprehet se pëlqimin nga ministria për miratim e PZHK-së, ka pranuar se konfirmimi nga ministria ka arritur me datë 08.09.2021.
I gjithë procesi për miratimin e draftit final të Planit Zhvillimor Komunal 2021-2029 të Komunës së Gjilanit, fillon me njoftimin e datës 01.09.2021, përmes të cilit Kryesuesja e Komitetit për Politikë dhe Financa, njofton anëtarët e këtij komiteti për datën e mbajtjes së KPF dhe rendin e punës, ku si pike e rendit të punës është edhe Plani Zhvillimor Komunal 2021-2029, pike kjo e cila nuk kalon në mbledhjen e mbajtura nga ky komitet me datë 08.09.2021.
Sipas nenit 52, paragrafi 2 të Ligjit për Vetëqeverisje Lokale, Nr. 03/L-040, Komiteti për politikë dhe financa është përgjegjës për shqyrtimin e të gjitha politikave, dokumenteve fiskale dhe financiare, planeve dhe iniciativave, duke përfshirë dokumentet e planifikimin strategjik, Kornizën vjetore buxhetore afatmesme, planin vjetor të prokurimit, rregulloren vjetore për tatimet, tarifat dhe pagesat, planin vjetor të punës për auditimin e brendshëm, buxhetin vjetor afatmesëm dhe çdo ndryshim të buxhetit gjatë vitit fiskal si dhe për marrjen e raporteve nga kryetari dhe dorëzimin e rekomandimeve në kuvendin e komunës.
Komiteti për Politikë dhe Financa konsiderohet si organi kryesor i Kuvendit të Komunës, i cili shqyrton paraprakisht pothuajse të gjitha çështjet që parashihen të shqyrtohen në Kuvendin e Komunës.
Miratimi i Projekt- Planin Zhvillimor 2021-2029 të Komunës së Gjilanit, pa rekomandimin e Komitetit për Politik dhe Financa, paraqet shkelje të dispozitave ligjore në fuqi. Ky dokumenti, përveç që nuk kalon në Komitetin për Politikë dhe Financa dhe nuk është rekomanduar miratimi i tij nga Kuvendi Komunal, i njëjti dokument nuk ka kalon edhe në Komiteti për Planifikim Urban dhe Mbrojtje të Mjedisit, i cili është formuar nga Kuvendi Komunal i Gjilanit në pajtim me nenin 51.2 të Ligjit për Vetëqeverisje Lokale, Nr. 03/L-040.
Nga përmbajtja e këtij dokumenti të aprovuar nga Kuvendi Komunal, shihet se pjesë përbërëse e këtij dokumenti janë edhe dy Planet Rregulluese të Hollësishme “Qendra 4” dhe “Fidanishte 2”, plane këto të cilat nga Ministria e Mjedisit dhe Planifikimit Hapësinor janë vlerësuar si të kundërligjshme.
Përfshirja e dy Planeve Rregulluese të Hollësishme, brenda Planit Zhvillimor Komunal, paraqet tentativën e Drejtorisë për Urbanizëm, Planifikim dhe Mbrojtje të Mjedisit, që këto dy dokumente të planifikimit hapësinor ti legalizoj, duke bërë përfshirjen e tyre brenda Planit Zhvillimor Komunal 2021-2029 të Komunës së Gjilanit.
Përveç shkeljeve të lartcekura, ky vendim është në kundërshtim me dispozitat e nenit 15 paragrafi 1 të Ligjit për Planifikim Hapësinorë, Nr. 04/L-174, ku thuhet se: Plani Zhvillimor Komunal është një plan strategjik multi-sektorial i cili përcakton caqet afatgjata të zhvillimit ekonomik, social dhe hapësinor. Plani Zhvillimor i Komunës duhet të përfshijë planin për zhvillimin e zonave urbane dhe rurale për një periudhë së paku tetë (8) vjeçare.
Nga ajo që thuhet në nenin e lartcekur, shihet se ligji nuk len asnjë dilemë, pra nuk lejon asnjë ndërhyrje jashtë asaj që është paraparë me Planin Zhvillimor Komunal, si ndërhyrjet e pjesshme (ridestinimin e parcelave kadastrale për qëllime të tjera) apo revidimin e tërësishëm të këtij dokumenti të planifikimit hapësinor.
Prandaj, Kuvendi i Komunës nuk ka të drejtë të bëjë ridestinimin e parcelave pas miratimit të Planit Zhvillimor Komunal, e që në nenin 5 të Vendimin 01. Nr. 016- 109245 datë 16.06.2021 për miratimin e Planit Zhvillimor Komunal të Gjilanit 2021-2029, Kuvendi Komunal i Gjilanit, ka lënë mundësinë që me një vendim të veçantë të Kuvendit të Komunës së Gjilanit të përcaktohet lokacioni i varrezave të qytetit nga dy propozimet që janë në kuadër të Planit Zhvillimor Komunal për periudhën 2021-2029, e që në këtë rast do të kemi ndërhyrje të kundërligjshme brenda Planit Zhvillimor Komunal.
