LAJME

Dhjetë më të votuarit e LDK-së në Gjilan

Lidhja Demokratike e Kosovës në Gjilan, në zgjedhjet e 14 shkurtit mori jo më shumë se 7243 vota.

Gazeta online Mediafokus.info ka siguruar listën e dhjetë më të votuarve të kësaj partie.

Faton Bislimi është më i votuari me 3995 vota, derisa Valentina Bunjaku-Rexhepi radhitet e dyta me 3561 vota.

Ramiz Ramadani ka marrë 3292 vota, Lirije Kajtazi 3156, derisa pesëshen e më të votuarve e përmbyll Imet Rrahmani me 3154 vota.

Kandidati për kryeministër i kësaj partie, Avdullah Hoti, nuk mori më shumë se 2771 vota, Lumir Abdixhiku 1389 vota, ndërkaq Kujtim Shala është votuar nga 1110 gjilanas, raporton Mediafokus.info.

Dhjetëshen e më të votuarve e mbyllin Ajet Avdyli i cili ka marrë 533 vota dhe Armend Zemaj me 495 vota.

You Might Also Like