Gjilan

Gjilani shpërndan pakon sociale për bujqësinë

Gjilan, 5 maj 2020 – Nënkryetari i Komunës së Gjilanit, Arbër Ismajli, i shoqëruar nga drejtori i Bujqësisë Ramiz Ramadani, kanë bërë sot shpërndarjen e pakos sociale në bujqësi, për të mbështetur fermerët për periudhën dy mujore të kaluar në përballje me pandeminë.

“Përmes drejtorit të bujqësisë kemi krijuar listën e nevojave të fermerëve, si koncentrate dhe produkte tjera për ushqimin e kafshëve dhe shpezëve. Me kapacitetet që ka Komuna e Gjilanit, sot kemi filluar shpërndarjen në mënyrë që sadopak ta zbusim këtë gjendje të cilët e kanë paraqitur drejtoria pas incizimit të gjendjes në terren”, ka thënë nënkryetari Ismajli.

Ndërsa, Ramiz Ramadani, drejtor i Bujqësisë në Gjilan, ka thënë se në këtë fazë kemi trajtuar fermerët të cilët rritjen e gjedhit e bëjnë brenda dhe me ushqime të gatshme e jo në kullosë.

“Trajtimi i pakos mbështetëse dedikohet për fermat të cilat janë rreth zonës urbane dhe në periferi. Kjo masë përfshinë 30 thasë himje të grurit,10 thasë koncentrat dhe 10 thasë misër kokërr. Lista e mbështetjes është për 40 fermerë në këtë fazë. Por në rast se do kemi edhe kërkesa të reja, do t’i trajtojmë edhe ato”, ka thënë në fjalën e tij informuese, drejtori Ramadani

Ndërsa, Ismet Murtezi fermer ka thënë se bashkëpunimi dhe mbështetja e shtetit, janë elementet kyçe të ecjes përpara, derisa ka falenderuar Komunen per angazhimin.

You Might Also Like