Teatër

„Kosovo for dummies“ do të hap Festivalin e Dramës Origjinale Shqipe

23 janar | Kosovo for Dummies nga Jeton Neziraj, regjisore Blerta Rrustemi Neziraj | Premierë e Teatrit të Gjilanit |
 
Shfaqja njëherit do të hap Festivalin e Dramës Origjinale Shqipe.
Komedia „Kosovo for dummies“ rrëfen historinë e Antigonës nga Kosova, e cila, për të fituar lejeqëndrimin në Zvicër, duhet të dëshmoj që nuk është një rinoqeront. Megjithatë, t’u themi që në fillim: në shfaqje nuk do të derdhet as një pikë gjaku, sado që ngjarjet që ajo i shtjellon janë mjaft dramatike. Madje-madje, nuk do të eksplodojë as edhe ndonjë bombë, pavarësisht se njëri nga personazhet e shfaqjes është mysliman dhe kjo mund të paragjykohet nga dikush. Drama ka fund të lumtur.
„Me satirë tregohet raporti ndaj emigrantëve, përmes një loje të pazakontë, gati si në ëndërr, por me plot forcë poetike“. (Michael Feller, Berner Zeitung)
“Autori Jeton Neziraj then realitetin brutal dhe ndërton në skenë një realitet të ri. Me këtë krijon
një drejtësi që të ngushëllon“. (Lena Rittmeyer, Der kleine Bund)
Në shfaqje luajnë: Tringa Hasani, Aurita Agushi, Kushtrim Qerimi, Ernest Zymberi, Gani Rrahmani, Avni Shkodra, Safete Mustafa.
Autor: Jeton Neziraj
Regjisor: Blerta Rrustemi Neziraj
 

You Might Also Like