Viti

Kush dhe pse hapi “dritare” në muralin e Shtëpisë së kulturës në Viti?!

Drejtoria për Kulturë, Rini dhe Sport dhe Shoqata e Artistëve Figurativ “Gursel Sylejmani”, kërkon nga personi fizik i cili ka dëmtuar veprën artistike “Art is the Way” sa më shpejtë t’a rikthejë në gjendjen e mëparme.

Veprimet e tilla nuk arsyetohen me asgjë, pa marrë parasysh nga kush vijnë, ato do të përballen me ndjekje juridike e ligjore, me qëllim për t’i mbrojtur vlerat kulturore e artistike që ka komuna e Vitisë!

Kjo ndërhyrje pa leje në këtë vepër arti përveç tjerash është imazh i keq për Komunën e Vitisë në përgjithësi, prandaj DKRS dhe SHAF “Gursel Sylejmani”, edhe një herë shprehin indinjatën e thellë lidhur me këtë gjendje të krijuar, dhe si subjekte juridike kompetente për këtë mural artistik, nuk do të tërhiqemi nga kjo kërkesë deri në realizimin e saj thuhet në komunikatën e këtij institucioni kulturor.

Drejtoria e Kulturës, Rinisë dhe Sportit, Drejtoria e Inspekcionit dhe Stacioni policor në Komunën e Vitisë, do të ndërmarrin të gjitha veprimet juridike për dëmtimin e kësaj prone publike, dëmtimi i së cilës sanksionohet sipas nenit 333 paragrafi 3 i Kodit Penal të Republikës së Kosovës.

Ky akt i shëmtuar, përveç se ka irrituar komunitetin e artistëve, ka irrituar edhe qytetarët e Komunës së Vitisë, prandaj ne si subjekte juridike kompetente, kërkojmë edhe përkrahjen e medieve dhe shoqërisë civile lidhur me këtë çështje. Edhe pse kjo komunikate dhe ky reagim I përgjegjësve te shtëpisë se Kulturës në Viti erdhi ne kohe te duhur shtrohet pyetja: Ku ishin institucionet e komunës kur janë bere këto dëmtime në murin e këtij objekti dhe u shëmtuan e dëmtuan muralet sepse sigurisht se dikush i  ka parë ata të cilët bënë këtë veprim që ka indinjuar qytetarët .Ndoshta “dritaret “ që janë hapur dhe jane vendos edhe korniza në to nuk janë bërë natën apo dikush ka patur leje për t’i shndërruar apo hapur ndonjë lokal në to! Aziz Zuka

 

You Might Also Like