OPINION

Rikujtim nga tubimi madhështor në nderim të ardhjes së SHBA në Kosovë, 20 vite më parë

Jubile i madh dhe historik, 20 vjet nga tubimi në Gjilan, në nderim të Shteteve të Bashkuara të Amerikës!

Më 31 Maj 2020 mbushen plot 20 vite nga tubimi që u mbajt në qytetin e Gjilanit, më 31 Maj 2000 në nderim të ardhjes së Shteteve të Bashkuara të Amerikës në Kosovë!

Gjatë luftës së Ushtrisë Çlirimtare të Kosovës në Zonën Operative të Karadakut isha Shef për Informim i Zonës dhe pas hyrjes së NATO e pas çlirimit të Kosovës nga Serbia pushtuese, edhe Shef i Shtabit të Zonës së UÇK për Mardhënie me KFOR!

Takimet e mia të dendura me perfaqesuesit e KFOR-it që për fatin e Zonës tonë e mbulonin komplet forcat e Shteteve të Bashkuara të Amerikës – US ARMY, bënë që unë të njihesha edhe për së afërmi në masë shumë të madhe me tërë qëndrimin madhorë për popullin shqiptar e për Kosovën, të oficerëve të lartë të Komandës së US ARMY të Kampit Bondstel në Sojevë dhe të Kampit Mantith në Gjilan!

Të gjitha ato takime të shumta në Komandën e Zonës së UÇK në Gjilan, në Kampin Bondstel në Sojevë e në Kampin Mantith në Gjilan dhe takimet e përbashkëta të komandave të Shtabeve të Zonave të Karadakut e të Nerodimes në qytetin e Ferizajt dhe takimet në Shtabin e Përgjithshëm të UÇK-së në Prishtinë dhe në Shtabin e KFOR-it në Prishtinë, kishin lënë gjurmë të pashlyera te unë, sepse qëndrimi i oficerëve të lartë amerikan pro Kosovës në veçanti dhe pro çështjes shqiptare në përgjithësi, ishte shumë i madh dhe ishte për admirim maksimal, sepse ata herë pas herë shpalosnin respektin dhe dashurinë e madhe që kishin për popullin tonë, Atdheun e Kombin shqiptar!

Më vonë edhe takimet e mia që kam pasur gjatë gjithë kohës sa kam qenë Shef për Informim në Zonën e 6-të të TMK-së, gjithnjë e më shumë kamë mësuar e parë nga afër qëndrimet e mëdha proshqiptare e të jashtëzakonshme të ushtarakëve e ushtarëve amerikan!

Ndihma e madhe që na e kanë dhënë SHBA-të gjatë gjithë historisë dhe veçanërisht gjatë luftës së UÇK-së dhe bombardimeve të NATO-s mbi Serbi dhe njojha nga afër e imja me qendrimet proshqiptare të oficerëve të lartë amerikan në Kampet Bondstel dhe Mantith, ishin motivi im kryesor dhe qendrorë për të marrë inisiativen për të propozuar për mbajtjen e tubimit të parë dhe të fundit me të madhin në Kosovë, pas përfundimit të luftës së dhe pas hyrjes triumfale të KFOR-it të NATO-s në ballë me SHBA-të.

Ai tubim i madh atëherë e deri më tani kur po e shkruaj këtë shkrim në nderim të asaj ngjarje të madhe kombëtare, ishte dhe mbetet tubimi më i madh publik, i organizuar dhe me nivel të lartë të përfaqësimit në nderim të Amerikës në Kosovë!

Për të dëshmuar rëndësinë e madhe dhe seriozitetin e nderimit publik e popullor, në cilësinë e kryetarit të Këshillit të Rrethit të Levizjes Popullore të Kosovës LPK-së me seli në Gjilan, ju dergova ftesë për takim konsultativ Komandës së Shtabit të Zonës së 6-të të TMK-së, të gjitha partive politike në Gjilan, Kishës Katolike Shqpitare me seli në Prishtinë dhe shoqatave e organizatave joqeveritare, shoqërive kulturo-artistike e donatorit kryesor të manifestimit firmës Bejta Comerc të mirënjohurit pronarit të saj, të ndjerit Bejtullah Kçiku!

Gjithashtu për atë eveniment që po organizonim, njoftova edhe Komandën e Shtabit të KFOR të US ARMY të Bondstillit në Sojevë dhe Mantithit në Gjilan!

Pas shumë takimeve të Këshillit Organizativ dhe pas përfundimit të të gjitha detyrave të dalura nga ana e Këshillit, erdhi 31 Maji 2000, dita e mbajtjes së tubimit, të cilin kishim vendosur ta mbanim në qendër të qytetit dhe ta emertonim “FUQIA PLANETARE NË KOSOVË!

Aprovuam LLOGON e manifestimit/tubimit, që ishte flamuri kombëtar shqiptar dhe portreti i Komandantit Legjendarë të UÇK-së Adem Jashari dhe flamurin e Amerikës dhe portretin e Gjeneralit Wesley Clark!

Aprovuam THIRRJEN për manifestim/tubim që përpos tekstit vendosëm edhe portretet e tri figurave qendrore të Amerikës, Presidentin Klinton, Sekretaren Albright dhe Ambasadorin Walker!

Aprovuam edhe NJOFTIMIN për manifestim/tubim në të cilën përpos tekstit vendosëm edhe foto të bombarduesve të ndryshëm të aviacionit të Amerikës, të cilët bombarduan armikun tonë shekullorë Serbinë!

Logon, Thirrjen dhe Njoftimin e manifestimit/tubimit, të cilat u përgaditën dhe u dizajnuan në shtypshkronjën pika 5A , ishin në kolor dhe u shtypën e u shpërndanë në shumë exemplarë në Gjilan me rrethinë dhe në tërë teritorin e Kosovës!

U bë mbulimi me mbulesën gjigante të tërë ndërtesës së djegur të Hotelit Kristal nga firma “Eksimor” e afaristit nga Malisheva e Gjilanit, z. Ridvan Ismaili, në të cilën shkruante në dy gjuhët, në anglisht dhe shqip: THANKYOU AMERICA – FALEMINDERIT AMERIKË!

Manifestimi filloi me ekzekutimin e himnit kombëtar shqiptar dhe himnin kombëtar amerikan!

Vlenë të theksohet se himni kombetarë amerikan, për herë të parë ekzekutohej para një mase mbi 50.000 njerëzish!

Në manifestim u mbajtën katër fjalime, në cilësinë e Kryetarit të Këshillit Organizativ, fjalimi i parë nga Ismet Sylejmani, pastaj Komandanti i TMK-së Gjeneral Agim Çeku, Kryeadministratori ndërkombëtar i Gjilanit z.Ivo Shans dhe nga viset, në emër të shqiptarëve nga Maqedonia e Veriut, ish-Kryetari i Komunës së Gostivarit, si kryetari i kohës së flamurit në Gostivar z. Rufi Osmani!

Pjesmarrja ishte masive!
Me shumë të drejtë mund të quhet tubim i madh popullor për Ameriken në Kosovë!

Morrën pjesë ushtarë e oficerë, përfaqësues të lartë të US ARMY!

Morrën pjesë personalitete e figura të shqura të jetës politike, kombëtare e shtetërore nga Kosova dhe e gjithë hapsira e viseve shqiptare!

U shfaq program i pasur kulturo-artistik nga shoqeritë kulturo-artistike të Gjilanit!

Për 5 orë i tërë qyteti i Gjilanit ishte i bllokuar nga forcat e ushtrisë amerikane!
Nuk kishte hyrje dalje të veturave në qytet!
Vendimi i Këshillit Organizativ që qendra e Gjilanit të mbyllej për lëvizje të automjeteve u aprovua dhe u ndalua qarkullimi i automjeteve!

Nuk kishte hyrje e dalje të veturave në qytet!
Gjilani ngjante në një festë të madhe e të vërtetë kombëtare!
Populli shqiptar, për herë të parë e në mënyrë aq masive, nderonte aleatin e tij të madh AMERIKEN!

Pas përfundimit të Manifestimit ” FUQIA PLANETARE NË KOSOVË”, sponzori gjeneral i manifstimit, afaristi i njohur dhe i nderuar i Gjilanit dhe i Kosoves Bejtullah Kqiku me firmen e tij “Bejta Comerc”, ne restaurant Kosiva ne Bresalc, shtroi drekë për mysafirët e shumtë që kishin ardhur nga të gjitha viset shqiptare!

Kjo ishte ngjarje e madhe!
Dashuria dhe respekti për Ameriken dhe për Ameriken në Kosovë, ishte dhe vazhdon të jetë e madhe, dhe të rritet e të kultivohen ndër breza në Kosovë dhe te tërë populli shqiptar!

Ismet Sylejmani,
Ish-Kryetar i Këshillit Organizativ!
Gjilan, 28 Maj 2020!

You Might Also Like