Gjilan

U hap zyra e nënshtabit të LDK në Zabel, vlerësohet si nëndegë motivuese

“Zabeli, me masovitet dhe me punë në secilat palë zgjedhje ka dëshmuar se ka qenë njëra nga nëndegët më të organizuara dhe motivuese për të tjerat”.

Ky ka qenë vlerësimi i kryetarit të Shtabit Zgjedhor të Degës së Lidhjes Demokratike të Kosovës në Gjilan, Arben Mehmeti, në ceremoninë e hapjes së zyrës së nënshtabit atje.

Ndërkaq, kryetari i nënshtabit të LDK’së në Zabel, njëherësh anëtar i Shtabit të Degës, Avdyl Aliu, ka deklaruar se po punohet me ngulm atje nga strukturat sa i përket mobilizimit për zgjedhjet e 6 tetorit, duke shtuar se me qeverisjen 6-vjeçare të LDK’së, kjo lagje ka ndryshuar për të mirë, duke ua bërë jetën e dinjitetshme qytetarëve.

Një fjalë përshëndetëse para të pranishmëve pati edhe kryetarja e FG LDK në Gjilan, njëherit deputete e nominuar nga Gjilani, Valentina Bunjaku Rexhepi dhe kryetarja e Forumit të Rinisë, Rina Ahmeti.

 Gjilan,

6 shtator 2019

You Might Also Like