Sporte të tjera

Urata Rama u shpall “Sportiste e vitit 2016” në komunën e Vitisë

Edhe pse paksa me vonesë kohore  edhe këtë vit  komuna e vitisë përkatëisht drejtoria për Kulturë ,Rini dhe sport ka  shpallur më të dalluarit  në fushën artistike e sportive për vitin 2016. Në Viti është mbajtur  mbrëmë  një ceremoni solemne ku janë ndarë mirënjohje e falënderime, por edhe çmimet për ata që treguan rezultate të kënaqshme përgjatë vitit që shkoi.
Në këtë ngjarje  që u organizua nga Drejtoria për Kulturë, Rini dhe Sport e  Vitisë, tuboi përfaqësues nga bota e artit , kulturës e sportit të kësaj komune, me që rast ishte i pranishëm edhe kryetari i Komitetit Olimpik të Kosovës Besim Hasani.
Duke marrë fjalën përshëndetëse në këtë ngjarje të shpalljes së laureatëve të vitit 2016, kryetari i komunës së Vitisë Sokol Haliti tha se sportistët e vitias po tregojnë rezultate të mira si brenda Kosovës, po ashtu edhe në gara të nivelit ndërkombëtar. “Sportistët tanë, po marrin pjesë edhe në evente të karakterit ndërkombëtar, çka do të thotë se ne si komunë po shkojmë drejt perspektivës, vlerave dhe cilësisë në fusha të shumta.
Kjo na bënë të ndihemi krenar me këtë përfaqësim, andaj edhe na obligon të jemi të përkushtuar që të mbështesim edhe më tej këtë sferë shumë të rëndësishme të shoqërisë”, ka thënë Haliti. Ai ka uruar sportistët, krijuesit dhe artistes, si dhe përfaqësuesit e Organizatave joqeveritare që kanë kontribuar në zhvillimin e kulturës dhe sportit në komunën e Vitisë.
Ndërkaq drejtoresha për Kulturë, Rini e Sport në Viti, Kaltrina Sylejmani, ndër të tjerash ka falënderuar të gjithë ata që kontribuuan në fushën e sportit, kulturës dhe rinisë gjatë tërë vitit që lamë pas. Ajo gjithashtu ka bërë të ditur edhe projektet që parashihen për vitin 2017 që kanë për qëllim zhvillimin e sportit dhe të kulturës. Në fund të këtij evenimenti, me mirënjohje të veçanta janë nderuar të gjithë ata që ishin përzgjedhur si më të mirët si kategori të caktuara të artistëve, klubeve sportive, subjekte kulturore etj.
E cmimi kryesor  “Sportisti i Vitit”, iu dha  shenjëtarës  Urata Ramës nga Pozharani , e cila ishte një nga tetë sportistët që përfaqësuan Kosovën për herë të parë në Lojërat Olimpike “Rio 2016”.
E  sportiest  – Sportist i dalluar u shpall Drilon Ibrahimi e Daniel Ramaj – pingpongist- Për përfaqësim në gara nacionale. Gjithashtu me mirënjohje u nderuan edhe Lumturie Rama – Për përfaqësim në gara ndërkombëtare.
E për rezultate të treguar në Super Ligën e Kosovës në futboll, çmime ju ndanë edhe futbollistëve: Betim Halimi, Zgjim Mustafa dhe Taulant Haliti.
Vlen të përmendet se me mirënjohje nga drejtoresha e Kulturës, Rinisë dhe Sporteve të Vitisë, Kaltrina Sylejmani u dekorua edhe rekordmeni Agim Agushi. Aziz Zuka.

You Might Also Like