Në këto ditë të vështira kur Virusi Korona është shpallur Pandemia botërore, që ka përfshirë edhe komunën e Vitisë, ka bërë që shumë familje skamnore të mbesin edhe pa produktet elementare për ushqim. E njëri nga vitiasit i cili në këto ditë të vështira ka treguar solidaritet me këto familje është
Vehbi Rama, asamblisti nga radhët e AAK-së Dega i cili ka ofruar dhe ka dhuruar një sasi të ndihmave në produktin e miellit SHBH ”Nënë Tereza”.
Halit Alidema, përgjegjës i SHBH “Nënë Tereza” zyra rajonale me seli në Viti, ka thanë se Vehbi Rama, ka dhuruar kësaj Shoqate 2500 kilogram miell e cila sasi e ndihmave u është shpërndarë 100 familjeve skamnore në 13 fshatra të komunës. Këto ndihma /nga 25 kilogram për çdo familje, janë ndarë familjeve në bazë të listave përkatëse që janë përpiluar nga Komisioni emergjent i komunës dhe të listës të SHHB “Nëna Terezë”.
Ndryshe Vehbi Rama njihet si humanist edhe në të kaluarën, i cili në kohë të vështira i është gjetur familjeve skamnore duke i ndihmuar ato me produkte të ndryshme ushqimore.
