akimet me bizneset lokale i vazhduam te Kosovare Dauti, pronare e një salloni të bukurisë në qytetin tonë.
Bashkë me deputeten Arbëresha Kryeziu Hyseni dhe kandidatet për Asamble Krenare Latifi Kqiku e Leonora Morina Bunjaku, pamë nga afër punën e madhe dhe përkushtimin që Kosovarja tregon çdo ditë.
Për më shumë se tre vite, ajo udhëheq me sukses një sallon të bukurisë, ku ka të punësuara disa gra e vajza, duke ofruar shërbime cilësore për një numër të madh klientësh gjatë gjithë kohës.
Minna Fashion – një tjetër histori suksesi nga gratë e qytetit tonë.
Sot vizituam zonjën Vjollca, e cila me shumë përkushtim drejton biznesin e saj Minna Fashion në Gjilan.
Bashkë me deputeten Arijeta Rexhepi dhe kandidaten për Asamble Albulenë Hajdari, pamë nga afër punën e jashtëzakonshme që bëhet në këtë qendër krijimtarie e punësimi.
Mina Fashion punëson mbi 100 gra, duke u ofruar kushte të mira pune dhe mundësi zhvillimi të vazhdueshëm. Me pasion e profesionalizëm, Vjollca ka arritur ta bëjë markën e saj të njohur përtej kufijve, me fustanet që tashmë janë prezente në shumë vende të botës – deri në ShBA.
Gjatë takimeve të shumta, u ndalem në vizitë edhe tek një prej bizneseve ikonë të qytetit tonë – Furra “Vëllezërit Çoçaj”.
Së bashku me kandidaten për asamble, Mimoza Kadriu, takuam pronarët dhe punëtorët e këtij biznesi, të cilët i përgëzuam për punën, përkushtimin dhe humanitetin që kanë treguar ndër vite.
Një shembull i vërtetë se si puna dhe dashuria për profesionin e bëjnë një biznes të qëndrueshëm dhe të respektuar në komunitet.
Pas shumë takimeve në bizneset e qytetit, sot së bashku me drejtorin për Mbrojtje dhe Shpëtim takuam ekipin e zjarrfikësve të Gjilanit. 
Bashkë biseduam për projektet e realizuara gjatë mandatit tonë: nga shkallët hidraulike, veturat e reja, sistemi i ngrohjes e deri te sistemi i avancuar i komunikimit, si dhe investime të tjera që kanë përmirësuar dukshëm kushtet e punës.
Diskutuam edhe për sfidat e mbetura dhe për finalizimin e aneksit të ri të objektit, që do të mundësojë kushte edhe më të mira për ekipin tonë të zjarrfikësve.
Në një atmosferë fantastike, energji e entuziasëm, sonte u pritëm në Cërnicë!
Faleminderit nga zemra banorëve të Cërnicës, Vrapqiqit, Gumnishtës dhe Kravaricës për mikpritjen e jashtëzakonshme dhe për mbështetjen e madhe që na dhuruan.
Në tubim morën pjesë edhe deputetja e Kuvendit të Kosovës Shqipe Selimi, si dhe deputetë të tjerë nga Gjilani, të cilat dhanë mesazhe të fuqishme për bashkim e fitore.
Krenarë edhe për kandidatin tonë për Asamble nga ky fshat, Astrit Sherifi, i cili u mirëprit me shumë dashuri nga bashkëfshatarët e tij.
Kodra e Dëshmorëve II dhe Lagjja e Tetë 
Pas një takimi të jashtëzakonshëm në Cërnicë, u kthyem në qytet për një tubim po aq madhështor!
Lagjet Kodra e Dëshmorëve II dhe Lagjja e Tetë folën qartë: Fitorja është e jona, dhe me të parën – pa balotazh!
Bashkë me deputetët e Kuvendit të Kosovës dhe kandidatët për Asamble nga këto lagje – Kushtrim Ibrahimi, Fatime Aliu, Enver Haziri dhe Nafije Kadriu – biseduam për punët e mira të realizuara gjatë mandatit të parë qeverisës, si dhe për projektet e reja që na presin në vazhdim.
Bashkë drejt fitores së madhe të 12 Tetorit!
