Bashkë me kandidatët e listës sonë fituese për asamble, z.Basri Kamberi dhe z.Hekuran Rapuca, sot takuam stafin shëndetësor të QKMF-së, infermierë dhe punëtorë shëndetësorë që me përkushtim qëndrojnë gjithnjë në vijën e parë të shërbimit.
Këta janë njerëz dhe profesionistë me të cilët mburret i tërë Gjilani, andaj iu jemi mirënjohës gjithmonë për punën e palodhshme.
Shëndetësinë gjithmonë e kemi prioritet, andaj do të vazhdojmë ta mbështesim në mënyrë që secili gjilanas të ketë kujdesin e merituar.
Takimet me qytetarë i vazhduam në Bresalc, ku u takuam me banorët e fshatrave Bresalc, Verbicë, Ponesh, Gadish, Kishnapole dhe Mihirt.
Për herë të parë pas shumë vitesh, këto fshatra e kanë ndjerë dorën e Komunës dhe kanë parë projekte konkrete që u shërbejnë qytetarëve. Këto punë të mira janë mirëpritur nga banorët, gjë që u dëshmua edhe me pjesëmarrjen e madhe në tubimin e sonte, ku na nderoi me prezencë zëvendësministri i Mbrojtjes, z.Shemsi Syla.
Zotohemi se në mandatin e ardhshëm, bashkë me Blerim Hazirin dhe Iliriana Uruqin, në asamble do t’i intensifikojmë edhe më shumë këto investime, në mënyrë që fshati të marrë vëmendjen dhe fokusin që e meriton.
