Do të ketë përplot lehtësira, kushte shumë më të mira dhe mbështetje e trajtim të fuqishëm institucional, sepse zhvillimi i ekonomisë lokale fillon pikërisht nga ata që marrin guximin për të ofruar vende pune dhe kontribut në zhvillimin ekonomik.
Këtu e pashë vullnetin e njerëzve që besojnë në të ardhmen, që nuk ndalen dhe që çdo ditë e forcojnë ekonominë tonë vendore.
Gjilani do të zhvillohet me bizneset e tilla, me prodhuesit dhe me vizionarët tanë, sepse vlera më e madhe e qytetit tonë janë njerëzit që punojnë dhe krijojnë mundësi.
Çdo ditë e më shumë po mahnitem me punët e bizneseve tona,
Bizneset e jashtëzakonshme të qytetit të Gjilanit janë gjenerator i zhvillimit dhe rritjes ekonomike.
Bashkë me kryetaren e Forumit të Gruas së LDK-së dega në Gjilan, Valentina Bunjaku-Rexhepi, si dhe kandidatët tanë për Asamble, Artizana Kosumi, Rijad Elezi, Gresa Krasniqi Fazliu dhe Sami Ahmeti, ishte kënaqësi të vizitojmë biznesin gjilanas “Kage Profesional”, ku pam nga afër përkushtimin dhe standardin e lartë të punës që e bëjnë të veçantë këtë ndërmarrje në tregun tonë lokal.
Ne zotohemi para tyre se do të krijojmë kushte më të favorshme për biznese si “Kage Profesional”, duke ofruar mbështetje e lehtësira që ato të rriten edhe më shumë, të hapin vende të reja pune dhe të forcojnë ekonominë e Gjilanit.
Këto biznese janë shembuj që dëshmojnë se Gjilani ka potencial të madh dhe njerëz që nuk ndalen së punuari për të ardhmen.
Përkrahja e tyre është përkushtim i yni i pandalshëm.
Gjilani do të zhvillohet vetëm atëherë kur i japim krahë njerëzve punëtorë e profesionistëve që po e ndërtojnë dhe gjallërojnë ekonominë e vendit tonë.
Nga qyteti i Gjilanit ka biznese që na bëjnë krenarë edhe në tregjet europiane.
Bashkë me znj. Artizana Kosumi, kandidate për Kuvendin Komunal në listën tonë fituese, ishim për vizitë në Fabrikën “Ego Plast”, aty ku prodhohen dyer dhe dritare nga plastika dhe alumini me cilësi dhe standarte të larta, të cilat tashmë e përfaqësojnë Gjilanin si brend edhe jashtë vendit.
“Ego Plast” është një storje e suksesit që duhet përkrahur e forcuar.
Bizneset e tilla janë dëshmia më e mirë se Gjilani ka njerëz që mendojnë gjatë, që investojnë, që punojnë dhe që krijojnë vende pune për bashkëqytetarët tanë.
Jam i bindur se e ardhmja e ekonomisë sonë varet nga këto biznese, prandaj, edhe përkushtimi ynë është i plotë, më shumë lehtësira, me më pak pengesa dhe me mbështetje konkrete për ta sepse sa herë që rritet një biznes i qytetit tonë, rritet edhe qyteti ynë, hapen vende të reja pune dhe krijohet shpresë për të rinjtë.
Faleminderit shumë pronarit Rabitit për pritjen dhe zotohemi që do të jemi bashkë në ditë të mira e në ditë të bardha për qeverisjen e re të Gjilanit të ri.
Atmosferë e jashtëzakonshme në konakun e kandidatit tonë Ramadan Ismajlit,
Kënaqësi dhe nder i veçantë të qëndroj në familjen e kandidatit tonë për Asamblenë Komunale, Ramadan Ismajli, i cili gjendet me numrin 38 në listën tonë fituese.
Familja Ismajli është një familje qytetare e njohur e Gjilanit, që me dekada ka dhënë kontribut në zhvillimin e institucioneve lokale dhe zhvillimin e politikave për qytetin tonë.
Faleminderit familjes Ismajli për mikpritjen e ngrohtë dhe faleminderit qytetarëve të kësaj pjese që na pritën me zemër e mendje të hapur.
Bashkë me njerëz si ju, me familje që punojnë dhe japin për qytetin, projekti i Gjilanit të ri ka të ardhme të sigurt për jetësim dhe plot mundësi për zhvillim.
Faleminderit shumë për hapjen e dyerve dhe zemrës në mbështetje të qeverisjes së re krahëhapur me bashkëqytetarët!
Çfarë rinie e jashtëzakonshme,
Kaluam një ditë fantastike në “AM Fight Club” në Gjilan.
Bashkë me kandidatët për Asamble, Isa Musliji, Nevzad Rushiti dhe Fitim Guda, patëm mundësinë ta shohim nga afër punën e jashtëzakonshme të trajnerëve dhe sportistëve të rinj.
”AM Fight Club” në Gjilan është një vend ku sporti, disiplina dhe përkushtimi po formësojnë një gjeneratë të re kampionësh.
Jemi krenarë për këto hapësira që i japin rinisë mundësi të shëndetshme dhe frymëzuese për t’u zhvilluar.
Sporti është edukim, karakter dhe motivim për jetë.
Zotohemi që si qeverisje e ardhshme do të jemi gjithmonë pranë sportistëve tanë dhe klubeve sportive me mbështetje financiare dhe logjistike sepse fuqia e qytetit tonë varion nga rinia e tij e shëndetshme dhe e motivuar.
Faleminderit shumë “AM Fight Club” për angazhimin tuaj të paepur në zhvillimin e sportit dhe nxjerrjen e kuadrove profesionale.
Bashkë, Gjilani do të jetë qytet i veçantë në nivel Republike për politika zhvillimore dhe ndërtimin e vizionit për sportdashësit tanë.
