Albin Kurti, kryeministër në detyrë dhe Alban Hyseni, kryetar i Gjilanit kanë qëndruar në familjet e Rexhep Malës dhe Nuhi Berishës në 42-vjetorin e rënies heroike të tyre.
Alban Hyseni, kryetar i Gjilanit ka shkruar se bashkë me kryeministrin Albin Kurti, deputetë të Kuvendit të Kosovës dhe përfaqësues të institucioneve, vizituan familjet e heronjve tanë, Rexhep Mala e Nuhi Berisha.
“11 janari i 1984-s mbetet dëshmi e madhe e angazhimit dhe e sakrificës së popullit për çlirim dhe pavarësi të Kosovës.
Veprimtaria e Rexhep Malës dhe Nuhi Berishës është flakadan i lirisë dhe i angazhimit gjithëpopullor.
Lavdi dhe nderim për familjet Mala dhe Berisha!”, ka thënë Alban Hyseni, kryetar i Gjilanit.
