Për shumë qytetarë të Gjilanit dhe rrethinës, emri i Amir Hajdinit nuk është më i panjohur. Edhe pse i ri në moshë, infermieri i specializuar po lë gjurmë çdo ditë e më shumë, jo vetëm për aftësitë e tij profesionale, por edhe për humanizmin e treguar ndaj pacientëve.
Hajdini është kthyer në një pikë referimi për kujdesin infermieror në shtëpi, duke u ofruar pacientëve siguri dhe trajtim të specializuar në ambientin e tyre familjar. Puna e tij e palodhshme ka bërë që shumë qytetarë, të cilët kanë qenë nën kujdesin e tij, ta falënderojnë publikisht për shërbimet që ai kryen me përkushtim të lartë.
Në një kohë kur nevoja për shërbime mjekësore cilësore është në rritje, Hajdini shprehet se misioni i tij shkon përtej thjesht kryerjes së një procedure mjekësore.
“Jam i përkushtuar të ofroj kujdes profesional dhe të ngrohtë për të gjithë pacientët, pa marrë parasysh moshën e gjininë, duke u siguruar që të ndihen të sigurt dhe të mbështetur gjatë gjithë procesit të shërimit. Jam shumë i lumtur dhe krenar që në momentet më të vështira të jetës së tyre, mund t’u dal në ndihmë,” ka bërë të ditur Amir Hajdini.
Infermieri i specializuar mbulon një spektër të gjerë të shërbimeve mjekësore për pacientët në Gjilan dhe rrethinë. Ai kryen procedura të shumta si: vendosja e infuzionit, injektimet intramuskulare dhe nënlëkurore, vendosja e kateterit urinar, matja e tensionit arterial dhe glikemisë (sheqerit në gjak), marrja e gjakut për analiza laboratorike, pastrimi i plagëve post-operative, mbikëqyrja e pacientëve në gjendje të rëndë ose pas spitalizimit, si dhe ofron shërbime të personalizuara për të moshuarit dhe pacientët me nevoja të veçanta. Hajdini bën me dije se të gjitha këshillat shëndetësore dhe informatat për shërbimet mund të gjenden edhe në faqen e tij në rrjetet sociale, “Kujdesi Infermieror”.
Ajo që e dallon Amir Hajdinin dhe e bën një aset të çmuar për qytetaret, është zemërgjerësia e tij. Ai ka vendosur që profesionin ta ushtrojë si mision, duke mos i lënë pas dore ata që nuk kanë mundësi financiare.
“Nuk ka ndjenjë më të mirë në jetën time sesa ta shërosh një pacient. Jam i gatshëm në çdo kohë për çdo pacient, ndërsa për ata me gjendje të rënduar ekonomike, ofrojmë shërbime falas,” shprehet Hajdini, duke rikonfirmuar betimin e tij për t’i shërbyer çdo pacienti me tërë qenien. Për të gjithë ata që kanë nevojë për asistencë mjekësore profesionale në shtëpi,
Amir Hajdini është i qasshëm në numrin e telefonit 044 854 624, duke premtuar gatishmëri pa marrë parasysh orën apo momentin.
