Tashmë mund të quhet punë e kryer. Astrit Fazliu është përforcimi i parë i FC Dritës në afatin kalimtar të janarit 2020, raporton ekskluzivisht Gazetasheshi.com.
Në fakt për futbollistin ferizajas ky do të jetë një rikthim në ‘shtëpinë e vjetër’, pasi ishte pjesë e ‘bardhekaltërve’ edhe dy vite më parë.
Gazeta “SHESHI” mëson ekskluzivisht se Fazliu do të prezantohet këtë të mërkurë (18 dhjetor) ose më së largu të enjten (19 dhjetor).
Për shërbimet e Fazliut ishin të interesuar edhe disa skuadra të tjera, në mesin e tyre edhe ajo e FC Prishtinës.
Fazliu rikthehet te Drita si kampion dhe fitues i Kupës me Feronikelin, ndërkohë që synon që trofeun e më të mirit të vendit ta rikthej sërish në Gjilan, aty ku e la në vitin 2018.
Gazeta “SHESHI” do të ju mbaj të informuar në lidhje me më të rejat e afatit kalimtar të janarit.
/Gazeta Sheshi/
