Në komunën e Kamenicës, në orët e vona të së mërkurës, është shënuar viktima e dytë e prekur me koronavirus gjatë kësaj dite.
Lajmin e ka bërë të ditur kryetari i kësaj komune Qëndron Kastrati i cili tha se është rasti i dytë i konfirmuar sot nga IKSHPK-ja.
“Fatkeqësisht edhe një qytetar nga komuna jonë humbi betejën me #COVID19. Ky është rasti i dytë i konfirmuar sot nga IKShP që ka përfunduar me fatalitet, kurse numri i të vdekurve nga virusi SARS-CoV-2 ka arritë në tre”, tha Kastrati.
Ai kërkoi nga qytetarët e komunës së Kamenicës që t’i respektojnë udhëzimet e institucioneve shëndetësore për t’u mbrojtur nga COVID-19, ndërsa i shprehu ngushëllime familjes së viktimës së fundit.
