Shoqata e Kosovës për Kërkim-Shpëtim (SHKKSH) ka njoftuar se kanë filluar një operacion kërkim-shpëtimi në qytetin e Gjilanit për gjetjen e një fëmije të zhdukur.
Për zhdukjen e këtij fëmiju kanë njoftuar edhe familjart. Ndërkohë tashmë kërkimet kanë nisur.
“Ekipet tona janë të angazhuara në terren dhe po punojnë intensivisht në bashkëpunim me autoritetet lokale dhe komunitetin për lokalizimin sa më të shpejtë të fëmijës. Ftojmë qytetarët që kanë ndonjë informacion të vlefshëm të kontaktojnë autoritetet përkatëse ose Shoqatën tonë në numrin emergjent: 045-112-102 Çdo informacion mund të jetë i rëndësishëm”, thuhet në njoftim
Ndërkaq, edhe familjarët kanë publikuar numrin e telefonit për qytetarët që e shohin fëmijën me emrin Alpi.
