Gjilani ka patur një nismë të furishme ndaj Prishtinës, që është lidere në tabelë. Në vetëm dhjetë minuta Gjilani ka shënuar dy herë. Së pari ka shënuar Basha, i cili pas një harkimi nga e majta ka futur topin në rrjetë. Në këtë rast është ngritur lart flamuri nga anësori, por pasi është shikuar VAR-u pa se goli ishte i rregullt.
Disa minuta më pas, pas një harkimi nga këndi të Gjilanit, por loja vazhdoi e Gjilani u ankua se Vitia luajti me dorë. Gjyqtari shikoi VAR-in dhe u vërtetua se ishte i saktë pretendimi i lojtarëve të Gjilanit dhe dha penalti. Jaroviq ishte i saktë dhe që në minutën 11, Gjilani ishte në epërsi 2:0. Në minutën 20 pas harkimit të Thaqit, Jaroviq gjuajti me kokë, por topi për pak shkoi jashtë portës. Thaqi ka harkuar edhe në minutën 42 kësaj radhe për Prapashticën, i cili gjuajti me kokë, por që nuk ishte i saktë.
Me të nisur pjesa e dytë, Ramiz Bytyqi i Prishtinës pati rast të mirë shënimi, por topi i goditur me kokë shkoi mbi portë.
Në minutën 55, pas harkimit të Thaqit nga këndorja, Mevlan Adili gjuajti me kokë, por topi shkoi pranë pingules së majtë të portierit Gjokaj.
Pas një aksioni të dështuar të Gjilanit në minutën 66, Prishtina ndërmerr një kundërsulm nëpërmjet Veliut, i cili shpërtheu nga e majta dhe harkoi, topin me kokë e qëlloi Baftiu dhe mbi duart e Bllacës e futi në rrjetë për rezultatin 2:1.
Në minutën 90 + 1. Armend Thaqi dha një goditje mjeshtërore nga rreth 25 metra duke qëlluar këndin e poshtëm trë majtë të portierit Gjokaj, duke ngritur rezultatin në 3:1. /kryelajmi.com/.
