Ndeshja në Stadiumin “Liman Gegaj” në Malishevë ka nisur shumë mirë për SC Gjilanin, që ia ka dalë të shënojë shumë herët, që në minutën 4. Pas një shpërthimi nga e djathta Enur Totre ka harkuar në brendi, mbrojtja e Malishevës nuk ka reaguar mirë e topi ka ardhur në brendi të zonës, ku i vetmuar ishte Senad Jaroviq, që nga afërsia ka futur topin në rrjetë për 0:1.
Në minutën 24 për Malishevën ka rrezikuar Gjylani, por gjuajtja e tij për pak shkoi mbi portën e Laroshit.
Në minutën 25 Gjilani ka organizuar një sulm për lakmi kur Yll Ibrahimi ka harkuar nga e majta e Basha me kokë shërbeu Morinën, i cili nga afërsia e futi topin në rrjetë.
Në pjesëlojën e dytë Malisheva shtoi trysninë në drejtim të portës së Gjilanit dhe rastin më të mirë e pati në minutën 73, kur Aliu gjuajti bukur e topi u devijua, kurse Laroshi mrekullisht e ndali topin me këmbë dhe e dërgoi mbi portë.
Pas shumë tentimeve, Malisheva ia arriti të shënojë në minutën e fundit, kur pas një harkimi nga e majta, topi u përplas për transversale më pas erdhi deri te Samuel Opeh, i cili me kokë e futi topin në rrjetë për rezultatin përfundimtar 1:2. /kryelajmi.com/.
