Gjilan, 30 korrik 2019 – Kryetari i Komunës së Gjilanit, Lutfi Haziri, ka pritur sot në takim kryetarin e Këshillit të Fshatit të Livoçit të Ulët, Sami Mehmeti dhe asambleistin Rijad Elezi, të cilëve u ka rikonfirmuar investimet e mëdha në infrastrukturë, në këtë fshat.
Kryetari Haziri theksoi se me realizimin e projekteve të mëdha infrastrukturore në vlerë milionëshe, Livoçi i Ulët po bëhet paralagje e qytetit.
“Përfundimisht, me investimet milionëshe, Livoçi po bëhet paralagje e qytetit. Tashmë jemi në finalizim të hyrje daljes Gjilan-Livoç i Ulët, ndërkaq e kemi realizuar projektin shumë të rëndësishëm, rrugën Livoç-Cernicë. Ua rikonfirmova Këshillit të ri të zgjedhur javë më parë edhe nënshkrimin e kontratës afro gjysmë milioni euro për ndërtimin e rrugëve brenda fshatit dhe rrjetit ujërave të zeza. Jam shumë i lumtur që Livoçin po e integrojmë në zonën urbane”, theksoi Haziri.
Ndërsa, kryetari i Këshillit të Fshatit në Livoç të Ulët, Sami Mehmeti dhe asambleisti Rijad Elezi, e kanë falënderuar kryetarin Haziri për mbështetjen e madhe në realizimin e projekteve komunitare.
