Kisha kënaqësinë të pres në takim Ministrin e Zhvillimit Rajonal, z. Fikrim Damka, dhe Ambasadorin e Republikës së Turqisë në Kosovë, z. Sabri Tunç Angılı.
Diskutuam për projektet e përbashkëta që do të ndikojnë drejtpërdrejt në zhvillimin ekonomik dhe infrastrukturor të komunës sonë. Bashkëpunimi me institucionet qendrore dhe mbështetja nga partnerët ndërkombëtarë janë çelësi për një Gjilan më të zhvilluar.
Në këtë takim, i shpreha ambasadorit mirënjohjen e thellë për kontributin e çmuar të komunitetit turk në komunën tonë dhe për mbështetjen e vazhdueshme që Turqia i ka dhënë Kosovës ndër vite.
