Tirana 3-1 Drita
25-17, 25-19, 27-29, 25-21
Tirana ka shënuar një fitore të madhe ndaj kampionit aktual, Dritës, duke triumfuar me rezultat 3-1 dhe duke konfirmuar formën e lartë në Grupin A.
Kryeqytetaset e nisën ndeshjen me autoritet, duke fituar dy setet e para me lojë të sigurt dhe ritëm të lartë.
Drita reagoi në setin e tretë, të cilin e fitoi pas një fundi dramatik 29-27, por Tirana nuk lejoi befasi, duke u rikthyer fuqishëm në setin e katërt për ta mbyllur ndeshjen 25-21.
Me këtë fitore, Tirana forcon pozitat në krye të Grupit A, ndërsa Drita pëson një tjetër ndalesë në garën për kreun.
