Vëllezërit Gursel e Bajram Sylejmani nga Sadovina e Vitisë, janë përkujtuar sot me rastin e rënies së tyre dëshmorë në luftën e lavdishme të Ushtrisë Çlirimtare të Kosovës në betejën e Jezercit.
Me këtë rast janë bërë homazhe dhe janë vendosur lule pranë busteve të tyre para shtëpisë së Kulturës në Viti, që mbanë emrin e tyre si dhe në kompleksin memorial në vendlindjen e tyre. Këtyre homazheve ju ka paraprirë kryetari i Komunës së Vitisë, Sokol Haliti me bashkëpunëtor.
Në nderim të dëshmorëve Sylejmani kanë marrë pjesë edhe zv. Ministrja e Administratës së Pushtetit Lokal, znj. Fatbardha Emini si dhe përfaqësues të shoqatave të dalura nga lufta e UÇK-së si Qemajl Rexhepi dhe Avdyl Bajrami si dhe përfaqësues të policisë, qytetarë dhe të tjerë.
Ndërkaq nën organizimin e DKRS-së në Viti në bashkëpunim me DKRS-në e Ferizajit së bashku me shoqatat Hiking Adventure Club “Angros” nga Vitia dhe Shoqëria Bjeshkatare Alpiniste “Lybeteni” është organizuar edhe një aktivitet i higkingut në drejtim të Maleve te Jezercit.Gjithashtu për nder të këtyre dy dëshmorëve të UÇK-së janë mbajtur edhe disa aktivitete të tjera.Aziz Zuka
