Një ditë para ndeshjes së 15-të kampionale, FC DRITA mbajti konferencë për t’i dhënë detajet e fundit për përgatitjet dhe pritshmërinë për ndeshjen ndaj FC Ballkanit.
Para mediave foli kryetrajneri, Zekirja Ramadani që tha:
“Ne jemi të gatshëm për të dhënë maksimumin, është derbi i xhiros. Kemi përball një ekip mjaftë cilësor dhe me individë të mirë, por edhe në aspektin ekipor është një ekip e mirë. Ne do japim maksimumin me ata individë që i kam në dispozicion. Normal është e pranishme lodhja e së enjtes që nuk diskutohet”, tha Ramadani dhe shtoi se deri më tash asnjë ndeshje nuk ka qenë e lehtë.
Nkemi derbin me Ballkanin dhe thjeshtë ta mbajmë ketë ritëm në këto ndeshje mund të vendos një moment dhe shpresojë që ai moment të jetë në anën tonë dhe ta marrim tre pikëshin’’, tha Ramadani.
Sipas Ramadanit do të vazhdohet të ‘luftohet’ deri në fund të kampionatit ndeshje pas ndeshje, të menaxhohet mirë dhe nuk ka ndeshje të lehtë.
‘’FC DRITA nuk ka ndeshje të lehtë, por gjatë gjithë kampionatit do të fokusohet ndaj çdo kundërshtari dhe jam i bindur që me mund dhe përkushtim maksimal do të mund të arrihet qëllimi’’, përfundoi Ramadani.
Ndeshja FC DRITA – FC Ballkani zhvillohet nesër e Diele në ora 13:00 Stadiumi Ndihmës te Rrethi.
