Gjilan

Gjilanit i shtohet investimi në sektorin privat nga bashkatdhetarët tonë në Gjermani

Gjilan, 3 korrik 2020 – Komuna e Gjilanit në kohën e përballjes me pandeminë globale, sikur edhe në të gjitha vendet e botës, sektori privat është goditur shumë dhe ka vështirësi të mëdha, mirëpo në këtë kohë është themeluar një kompani “Creativ Plast Perfection”, në Gjilan, që janë mjete të bashkatdhetarit tonë nga Gjermania Besir Beqiri dhe Adem Islami.

Në fjalën e saj drejtoresha e Zhvillimit Ekonomik, Valbona Tahiri, ka thënë se ky është një sinjal I mirë se duhet të investojmë dhe të shënohet ngritje e sektorit privat, pavarësisht një kohe shumë të vështirë që kanë kaluar të gjitha bizneset gjatë përballjes me Covid-19.

“Komuna e Gjilanit është në shërbim të vazhdueshëm ndaj sektorit privat dhe sigurimin e kushteve më të mira Brenda mundësive dhe kapaciteteve që ka niveli lokal. Bizneset janë shtylla kryesore e zhvillimit ekonomik lokal, prandaj për këtë stafi i drejtorisë do të jetë vazhdimisht në përkrahje me të gjitha kapacitetet profesionale e teknike që ka. Është biznes që ka investuar në makineri modern dhe produktet janë me standarte të larta, që kështu do të ndikoj edhe në transformimin e ekonomisë së Gjilanit dhe Kosovës”, ka thënë mes tjerash ajo.

Tahiri edhe në këtë inaugurim, ka bërë thirrje që sa më parë të alokohen mjetet qeveritare të rimëkëmbjes dhe përkrahjes ekonomike, e konkretisht mbështetjen e biznesit në Kosovë, në mënyrë që ky sektor që e mbanë gjallë punësimin në Kosovë të jetë i qëndrueshëm dhe stabil.

You Might Also Like