Kryetari Alban Hyseni Telegram Ngushëllimi familjes Geci
Kreu i Komunës së Gjilanit ka dërguar telegram ngushëllimi familjes së artistit, muzikantit e rokerit të njohur të viteve 80-të, Ilir Geci nga Gjilani, i cili ndërroi jetë pas një sëmundje.
Në telegram Hyseni shkroi se “Iliri do të mbetet në kujtesën e të gjithëve si njeri i vecantë, që me artin e tij dhe sjelljet e tij krijonte ura miqësie dhe dashamirësie në komunitetin tonë të gjërë”.
Telegrami:
Me dhimbje të thellë morëm lajmin për ndarjen e parakohshme nga jeta të Ilir Gecit — një artist i talentuar i kitarës, një qytetar i dalluar për zemërgjerësinë, shpirtin e tij të hapur dhe frymën kozmopolitane që e karakterizonte.
Iliri do të mbetet në kujtesën e të gjithëve si një njeri i veçantë, që me artin dhe sjelljen e tij krijonte ura miqësie dhe dashamirësie në komunitetin tonë dhe më gjerë.
Humbja e tij është e madhe për të gjithë ne.
Në emrin tim personal dhe të Komunës së Gjilanit, i shpreh ngushëllimet më të sinqerta familjes Geci, miqve dhe gjithë komunitetit artistik.
Qoftë i përjetshëm kujtimi i Ilir Gecit!
