Edrena Maliqi dhe Dior Sherifi dy aktivistë të zellshëm janë shumë punëtorë dhe falë angazhimit të tyre shoqëria e sidomos rinia po përfitojnë shumë.
Siç theksojnë Edrena dhe Diori, aktivitetet e para i kanë nisur me organizata joqeveritare, ku kanë fituar projektin e parë “PODCAST”, duke qenë nxënësit e parë në Kosovë që kanë bërë podcast brenda shkollës me tema në interes të nxënëseve , pastaj kanë marr pjesë në festivalin më të madh të teknologjisë DOKUTECH, ku e kanë prezantuar projektin e tyre edhe para kryeministrit të Kosovës Albin Kurti.
“Duke vazhduar punën e pa ndalur kemi mentoruar edhe grupe fituese të shumë organizatave të tjera, kemi marrë pjesë në një nga programet më të mëdha evropiane, në Turqi në kuadër të Erasmus++, e tani më i fundit projekti “Frymo lirshëm“, ku kemi paraparë disa aktivitete për një vetëdijesim më të madh për gjeneratat e ardhshme për mbrojtjen e ajrit”, theksojnë Edrena Maliqi dhe Dior Sherifi.
