Klubi i Volejbollit Drita nga Gjilani është përforcuar me volejbollisten Ergysa Blloku, e cila është një lojtare e njohur për volejbollin kosovar.
Ky angazhim është arritur falë presidentit të KV Drita, Kupi Shabani, që nuk po kursen asgjë për të mbajtur Dritën në kreun e tabelës.
Së fundi Ergysa Blloku kishte luajtur në Shqipëri, por duhet cekur se ajo edhe më herët kishte luajtur për Dritën e Gjilanit, kur ekipi gjilanas ishte fituese e kupës.
Deri më tashti Blloku ka luajtur në këto ekipe:
2008 Studenti, Tiranë
2009 Mirdita Volley (ish-Minatori), Rrëshen
2010 Universiteti ABB, Prishtinë
2011 KV DRITA, Gjilan
2014 Tirana, Tiranë
2016 Partizani, Tiranë
2018 Mirdita Volley, Rrëshen
2021 KV DRITA, Gjilan
Pritet që KV Drita të angazhojë edhe lojtare të tjera, ngase afati kalimtar sapo ka filluar.
