Gjimnazi Natyror “Xhavit Ahmeti” pos si vatër e mësimit dhe dijes kudo në Kosovë ka po njihet edhe si vatër e sportistëve të dalluar, kurse ka vite që kjo shkollë shquhet me lojën e volejbollit, sport në të cilin po arrinë suksese të mëdha.
Edhe sivjet volejbollistët e kësaj shkolle u shpallën kampionë rajonalë, në të dy konkurrencat me vajza dhe djemë, pasi që ishin më të mirë se bashkëmoshtarët e tyre nga Vitia dhe Kamenica dhe tash me të drejtë nga ta priten suksese edhe më të mëdha në garat republikane.
Të udhëhequr nga pedagogët e sportit dhe të kulturës fizike, Blerim Shala, Selami Haziri dhe Naser Latifi, në garat që janë zhvilluar në Sallën e Sporteve të Gjimnazit Natyror “Xhavit Ahmeti” gjimnazistët ishin të pa konkurrencë dhe plot meritë ishin të parët.
Afrim Selimi, kryetar i Sportit Shkollor në Gjilan, ka thënë se në sallën e Sportit të Gjimnazit ,,Xhavit Ahmeti” u mbajtën garat regjionale në Volejboll për regjionin tonë dhe u arritën këto rezultate:
Shkollat e mesme të ulëta Vajzat:
Vendi i parë: Shfmu,,Don Bosko” Gjilan
Vendi i dytë: Shfmu,,Dëshmorët e Vitisë” Viti
Shkollat e mesme të ulëta Djemtë:
Vendi i parë: Shfmu,,Metush Krasniqi” Kamenicë
Vendi i dytë:Shfmu,,Halil Alidema” Viti
Shkollat e mesme të larta vajzat:
Vendi i parë: Shml Gjimnazi i Shkencave Natyrore ” Xhavit Ahmeti “ Gjilan
Vendi i dytë:Gjimnazi,,Ismajl Qemajli” Kamenicë
Shkolla e mesme të larta Djemtë:
Vendi i parë: Shml Gjimnazi,,Xhavit Ahmeti” Gjilan
Vendi i dytë: ,,Kongresi i Manastirit”-Viti
“Ekipeve fituese ju dëshirojmë sukses në garat Republikane që do të mbahen së shpejti”, ka thënë Afrim Selimi, kryetar i Sportit Shkollor për Rajonin e Gjilanit.
