Gjilan, 21 shtator 2020 – Nën udhëheqjen e nënkryetarit të Komunës së Gjilanit, Arbër Ismajli, është mbajtur të hënën takimi i Komitetit për menaxhimin dhe parandalimin e përhapjes së COVID-19, ku është bërë vlerësimi i përgjithshëm.
Në takim, nënkryetari Ismajli ka thënë se ndihet mirë që lakorja e infeksionit me COVID-19 në Gjilan po bie fal përkushtimit institucional dhe lojatitetit qytetar.
Por, në takimit e sotëm ka dalë apeli i përbashkët për qytetarët që të vazhdojnë t’i përmbahen rekomandimeve të institucioneve, përfshirë bartjen e maskave, mbajtjen e distancës dhe higjienën personale.
Pasqyra e përgjithshme e përballjes së komunës së Gjilanit me pandeminë është kjo: 975 të infektuar në total, 860 të shëruar, 71 raste active, 18 të hospitalizuar dhe 44 të vdekur.
