Vajzat – Gjysmëfinalja e dytë
Pogradeci 3-0 Drita
25-16, 25-23, 25-22
Pogradeci ka siguruar biletën për finalen e Kupës së Pavarësisë, pasi mposhti Dritën me rezultat të pastër 3-0 në një ndeshje ku tregoi stabilitet, qetësi dhe lojë më të plotë në momentet kyçe.
Seti i parë u dominua bindshëm nga pogradecaret, të cilat vendosën ritmin që në start.
Drita u rikthye më fuqishëm në setin e dytë dhe të tretë, duke e mbajtur rezultatin ngushtë, por Pogradeci ishte më i saktë në pikët finale, duke vulosur fitoren dhe kualifikimin.
Me këtë triumf, Pogradeci i bashkohet ekipit ferizajas Fer Volley në finalen e këtij edicioni të Kupës së Pavarësisë.




