Nexhat Rexha
Në bartje lëvizjesh homazh i ngrirë
karvan i gjatë për ideale në vëzhgim
dhe shkrirje dhembjesh
për të mundur zhurmën kafshuese
Sa herë kemi ngatërruar festat e lindjes
dhe vdekjeve i kemi thur turpe
para lavdisë e marrisë
nëpër trishtimet e mengjeseve tona
Po ku mbeti harresa e pleqnarëve
nëpër baladat e përvajshme pa shtegdalje
pa prijësin e luftës së akorduar
në toponimet absurde për varret e krushqve
Malli ruan greminën pran nesh
në çdo ndërrim moti
me kapedanët kryelartë e syrin lakuriq
atdheut dhembjet ia shtojnë me mizori
Kur përëndon dielli himn i këndojnë gjëmimit
tmerrshëm përqafojnë skeletin në pikturë
në memoare harkojnë gjëmimin
për kornizën e atdheut si hyjni lotojnë
Përziejnë dritën e ditës e terrin i natës
si engjuj kapërdisin masën plastike
për mungesën e flakës së qiriut
dhe katarsin e shpitit të vonuar
Më 12 gusht 2021
