E trimëruar nga ndeshjet e fundit në Superligën e Kosovës dhe Në Europa Conference League, FC Drita është futur në ndeshje me Ballkanin, me të cilin kanë pikë të barabarta në pozitat 2 dhe 3, duke mëtuar që të zënë Prishtinën që dje bëri një lëshim të madh.
Ballkani u fut në ndeshje tejet i motivuar dhe më mirë e nisi ndeshjen, duke e mbajtur atë më tepër në pronësi dhe duke qenë më i rrezikshëm.
Pas një pasigurie në mbrojtjen e Dritës në minutën 12, Kryeziu e shërbeu Tolajn, i cili me një gjuajtje të saktë nga rreth 20 metra qëlloi këndin e epërm të majtë të portierit Maloku për rezultatin 0:1.
Në minutën 24, Olemba Ouvuka nga thellësia e shërbeu Kristal Abazajn, i cili në stilin e një qendërsulmuesi të rryer me këmbën e djathtë dhe pjesën e brendshme e goditi aq saktë topin, sa që e dërgoi në këndin e epërm të majtë të Ilazit për të barazuar rezultatin 1:1.
Në minutën 32 Pëllumbi bëri një gabim trashanik kur deshi të shërbejë Ben Zidanin dhe këtë e shfrytëzoi Giovani Ribeiro që me urti e dërgoi topin në këndin e poshtëm të Malokut për 1:2. Drita sapo u nis nga mesi i fushës dhe sërish ra tërësisht vija e fundit e Dritës dhe këtë e shfrytëzoi Valid Hamidi, i cili qëlloi këndin e djathtë të poshtëm të Faton Malokut për 1:3.
Pas një harkimi nga këndi që e dha Ajzeraj, topi erdhi deri Pëllumbi, i cili qëlloi me kokë, por për pak topi shkoi jashtë pingules së djathtë të Ilazit. /kryelajmi.com/.
