Drita ka pësuar edhe humbjen e rradhës duke i vështirësuar mjaft shumë punët vetit në luftë për ti shpëtuar barazhit. Bardh e kaltërit u mposhtën minimalisht nga Ferizaj në një ndeshje të cilën e dominuan vendasit, fillim e mbarim, raporton Gazetasheshi.com.
“Nuk ishim në element të ndeshjes, sidomos disa nga lojtarët dhe kjo ishte e pamundur të bënim diçka më tepër në këtë përballje. Tentuam ti ndryshojmë gjërat në pjesën e dytë, por ishte e kotë. Nuk krijuam raste që të rrezikonim më tepër duke zhvilluar kështu njërën nga ndeshjet më të dobëta”, deklaroi kryetrajneri i Dritës, Ismet Munishi, pas ndeshjes për Super Sport Kosovën.
