Futboll

Në FC Drita aspak nuk e injorojnë kundërshtarin e ardhshëm, Feroniklin ’74

Ramadani: FC Feronikeli 74 kundërshtar dinjitoz
Një ditë para ndeshjes së 27-të kampionale, FC Feronikeli 74 – FC DRITA klubi ynë mbajti konferencë për media.
Kryetrajneri, Zekirija Ramadani tha se pavarësisht pozitës, kundërshtari i nesërm është mjaft i pa përshtatshëm.
“Shpresoj që kjo do të jetë hera e fundit për Feronikelin që gjendet në këtë situatë. Megjithatë, asnjëhere nuk është dorëzuar dhe me të vërtetë i ka dhënë një frymë pozitive kampionatit, duke u angazhuar maksimalisht dhe duke bërë befasi.
Ne e dijmë objektivin tonë dhe gjithmonë duhet të mbështetemi në objektivin tonë, sepse FC Feronikeli është ekip shumë e pa përshtatshme dhe duhet të jemi shumë të kujdesshëm. Në qoftë se arrijmë të jemi shumë konkret dhe të arrijmë rezultatin më herët do të jetë më mirë. E dijmë nga ndeshja e kaluar sa e vështirë ishte të mbahet edhe barazimi.Nuk do të jetë lehtë sidomos në Drenas është ndeshje që kërkon angazhim maksimal. Kemi marrë masa edhe për kualitetin e ekipit kundërshtar edhe për fushën e kundërshtarit, ndoshta duhet te dalim edhe nga vetja për t’iu përshtat ndeshjes që të arrijmë synimit tonë”, theksoi Ramadani.
Sa i përket përbërjes Ramadani tha se tani me rikthimin e Blerim Krasniqit skuadra është edhe më e kompletuar.
Trajneri yne, Zekirija Ramadani foli edhe për ndeshjen e kaluar atë të derbit lokal, ku FC DRITA shkëlqeu duke dominuar dhe më pas triumfuar ndaj rivalit lokal (4:0).
Por, entusiazmi ka përfunduar me atë javë dhe nesër pritet tjetër ndeshje, tha trajneri në konferencë.
” Secila fitore ka rëndësinë e vet, mirëpo kur fitorja vjen ndaj rivalit lokal me të vërtetë është e veçantë. Jemi mësuar që gjithmonë edhe në fotore të mos ekzagjërojmë gëzimin dhe në humbje të mos ta ekzagjërojmë hidhërimin. Tifozët mund të festojnë deri në derbin e radhës, neve nuk na takon, ne jemi profesionist, ajo ndeshje u mbyll në atë xhiro, kurse puna vazhdon”, përfundoi Ramadani.
Konferencën e plotë mund ta ndiqni në linkun e më poshtëm:

You Might Also Like