Në kuadër të aktiviteteve për nder të 5 Majit-Ditës së Dëshmorëve të Komunës së Vitisë, sot pos homazheve në varrezat e dëshmorëve në Viti, është mbajtur nga Kuvendi Komunal i kësaj komune edhe një Seancë solemne. Gjithashtu për nder të kësaj dite, në Shtëpinë e Kulturës “Gursel e Bajram Sylejmani” , është mbajtur edhe Akademia përkujtimore për nder të 29 dëshmorëve vitias të cilët kanë rënë për lirinë e vendit
.
Aktivitetet për nder të 5 Majit- Ditës së Dëshmorëve të Komunës së Vitisë, kanë nis sot me homazhe në varrezat e dëshmorëve në Viti. Dëshmorët e kësaj komune u përkujtuan dhe nderuan nga përfaqësuesit e Institucioneve Komunale të Vitisë, policisë së Kosovës, partive politike, organizata të dala nga lufta e UÇK-së, familjarëve të dëshmoreve dhe shumë të tjerë.
Pas homazheve Kuvendi Komunal i Vitisë mbajti edhe një seancë solemne kurse në përkujdesjen e Kryetarit të kësaj komune, Sokol Haliti u mbajt edhe një akademi përkujtimore për nder të dëshmorëve të kësaj komune.
Naim Pira, Kryesues i Kuvendit Komunal të Vitisë, gjatë seancës solemne që është mbajtur sot për nder të Ditës së Dëshmorëve të Komunës së Vitisë nder tjerash ka folur edhe mbi shënimin e kësaj data. “ Jemi tubuar në ketë seance solemne për të shënuar një nga datat më të rëndësishme të historisë se re, 5 Majin ditën e Dëshmoreve te Komunës sonë.
Sot nderojmë luftën e lavdishme të UÇK-së, nderojmë komandantin legjendar Adem Jasharin dhe familjen e tij si dhe heroizmin e dëshmorëve dhe martirëve të komunës sonë te cilët me gjakun e njomë te tyre vunë themelet e shtetit te ri, prandaj me plot te drejtë themi se dëshmorët janë kurban dhe shenjtorë të lirisë dhe shtetësisë sonë”, u shpreh Kryesuesi Pira.
Edhe Abdyl Bajrami nga Organizata e Veteranëve të Luftës së UÇK-së, Dega në Viti foli mbi përpjekjet e popullit shqiptarë për liri në etapat e ndryshme të historisë.
E Sokol Haliti, Kryetar i Komunës së Vitisë, në akademinë përkujtimore për nder të Ditës së Dëshmorëve që u organizua nën përkujtuesin e tij, theksoi se kjo komunë mburret me trimat e saj. “ Vitia , gjithmonë mburret me trimat e saj, të cilët iu përgjigjen kushtrimit të atdheut duke u rreshtuar në radhët e Ushtrisë Çlirimtare të Kosovës, në zonat e Pashtrikut, Dukagjinit, Llapit e Gollakut, në Zonën e Nerodimes e të Karadakut, të Preshevës e kudo që kërkohej nevoja.
Duke mos kursyer më të shtrenjtën-Jetën, ata ranë në betejat e lavdishme për të njëjtin qëllim, për të njëjtin synim dhe për të njëjtin ideal, që ky popull të jetoj i lirë”, tha kryetari Haliti.
E një falë rasti në këtë akademi përkujtimore ka mbajtur edhe Qemajl Rexhepi, Kryetar i Shoqatës së Familjeve të Dëshmorëve në Viti. Ndërkaq gjatë kësaj akademia për publikun u dha edhe një program kulturor- artistik si dhe në fund u shfaqe edhe një kronologji mbi dëshmorët e Komunës së Vitisë.Aziz Zuka
