Zekirija Ramadani, kryetrajner i Dritës pas ndeshjes me FCSB ka theksuar:
“E thashë më parë se në 60 minutat e para luajtëm mirë. Të gjithë e dinë që 2-0 është rezultati më i rrezikshëm. Nuk e di nëse e vutë re, por nuk isha i lumtur për asnjërin nga dy golat që shënuam. Sepse doja që lojtarët e mi të qëndronin të përqendruar.”
“Natyrisht, lojtarët nuk e kuptuan se çfarë doja t’u përcillja.Si të tillë, pësuam 3 gola. Duke lënë mënjanë golin e pësuar nga goditja e këndit, mendoj se mund t’i kishim menaxhuar më mirë fazat për dy golat e tjerë. Tifozët tanë na mbështetën pavarësisht nëse humbëm apo fituam. Nuk mendoj se kjo do të ndryshojë pas këtij rezultati”.
“Mund t’ju garantoj se do të ketë më shumë tifozë sesa në ndeshjen kundër Kopenhagenit. Jam i sigurt se do të ketë një atmosferë festive, sepse diferenca është vetëm një gol në favorin e tyre. Çdo gjë mund të ndodhë në ndeshjen e kthimit”.
Zekirija Ramadani pas ndeshjes
