Kryetari i Komunës së Vitisë, Sokol Haliti iu është drejtuar qytetarëve vitias me një mesazh urimi, në të cilin mes tjerash thuhet:
“Të nderuar qytetarë të komunës së Vitisë, më lejoni që në emër të institucioneve komunale të u’a uroj 17 shkurtin – Pavarësinë e Republikës së Kosovës, 14 vjetorin e themelimit të shtetit të Kosovës, si shtet i pavarur dhe demokratik.
Në këtë datë shumë të rëndësishme për Kosovën, me krenari kujtojmë më të dashurit e atdheut duke filluar nga njerëz të penës dhe pushkës, që bënë çmos për lirinë e këtij vendi. Në këtë ditë kujtojmë dëshmorët të cilët kanë dhënë gjënë më të shtrenjtë, jetën e e tyre që ne të festojmë sot të lirë e të pavarur. Poashtu, edhe miqtë tanë ndërkombëtarë, Shtetet e Bashkuara të Amerikës si dhe shtetet e Quint-it, të cilët ishin dhe janë në përkrahje të popullit të Kosovës çdoherë”.
Urime 17 shkurti!
Me respekt
Kryetari i Komunës së Vitisë ,
Sokol Haliti
