Libri

TRANDJE

Sadete Tërnava – Osmani

TRANDJE

Dua ta dish se nëse shikoj me sytë e tu do të jem udhë pa emër
Retë e kristalta do të bien në këto vargje
E vera sedef do të varet në vjeshtën e vonë

Pandeh se nëse e prek këtë zjarr nuk do të digjesh
Freskia shpesh buron në zemër të flakës
Ashtu sikur ekzistenca një ditë do të lundrojë pa kthim

Po të tregoj se ishujve të nimfave te gjithë janë mashtruar
Ndalu se menduari se ti do të kursehesh
Megjithatë nëse befas harron se jeta po të buzëqesh ktheje kokën pas

Sikur të kesh gënjyer veten se kjo qe pandehmë
Do të kuptoje se era gjithçka tret por ëndrrat i kthen
Jetën e lë peng si barkë në brigje të rrëpirëta

Tash vendos vetë dhe mbaji në mend fillesat
Dije se zjarri që shpesh përsëritet nuk e ngrohë as akullin
Vetëm ato ditë dhe krahët e fluturave mbi lule na i qëndisin kujtimet

S.T

You Might Also Like