Skuadra vendase KV Drita (KOS) ka arritur fitoren e saj të parë në BVA Cup 2025 (Femrat), duke triumfuar me rezultat të pastër 3:0 (25-10, 25-14, 25-12) ndaj OK Fit Fun Volley (MKD) në palestrën “Ilaz Kodra” në Skenderaj.
Vajzat e Dritës treguan lojë të disiplinuar dhe energji të lartë gjatë gjithë takimit, duke dominuar në çdo aspekt të lojës — nga shërbimi, në mbrojtje dhe në sulm. Me këtë fitore, Drita afrohet te medalja e bronztë në Kampionatin Ballkanik, një arritje e merituar për skuadrën vendase që po tregon përparim nga ndeshja në ndeshje.
Në ndeshjen e fundit të turneut, KV Drita do të përballet të enjten me AEK Athinën, skuadrën favorite dhe të vetmen të pamposhtur deri më tani në BVA Cup 2025.
