Gentrit Murseli ka reaguar pas miratimit unanim të buxhetit të Komunës së Gjilanit për vitin 2026, i cili kap vlerën prej 41.928.924 euro.
Statusi i plotë:
Miratohet buxheti i Komunës së Gjilanit për vitin 2026 në vlerë prej 41.928.924€
Të dashur qytetarë,
Sot në seancën e jashtëzakonshme të Kuvendit të Komunës, miratuam unanimisht buxhetin për këtë vit.
Në emër të LDK-së, kam prezantuar qëndrimet tona lidhur me planifikimin buxhetor për këtë vit, ku fatkeqësisht vetëm 16,34% e buxhetit të përgjithshëm janë të destinuara për investime kapitale.
Është për t’u përshëndetur reflektimi pozitiv i kryetarit të komunës për të ofruar mundësi për përfshirje në planifikimin e buxhetit.
Ne, si LDK, kemi dorëzuar një listë me 18 projekte komunitare, ndërsa përkrahje për zbatim kanë gjetur këto projekte:
1. Rregullimi i pjerrinave të trotuareve në qendër të qytetit 50.000€
2. Riasfaltimi i rrugës “Islam Islami” dhe ndërtimi i trotuarit në Livoqin e Ultë 63.000€
3. Rikonstruktimi i urës për këmbësorë në Livoqin e Ultë 30.000€
4. Rikonstruktimi i urës në fshatin Llashticë,
vlera 40.000€
5. Rikonstruktimi i urës në fshatin Lladovë, vlera 40.000 €
6. Rregullimi i shtëpisë muze të dëshmorit “Pajazit Ahmeti – Paja”
7.Nivelizimi i pagave për zjarrfikësit.
Ndërkaq, dy projekte të tjera do të shqyrtohen nga mjetet e bartura nga viti i kaluar:
1.Investimi në parkun e lagjes Arbëria
2.Investimi në blerjen e një veture për ofrimin
e shërbimeve mjekësore nga QKMF-ja
Gjithashtu u pranuan kërkesat buxhetore nga asamblisti ynë Muhadin Haziri në emër të Këshillit të fshatit Zhegër.
Falënderoj të gjithë këshilltarët nga LDK-ja për angazhim të jashtëzakonshëm në këtë proces, si dhe shpreh mirënjohje për kolegët nga të gjitha subjektet politike në Kuvend.
