Me kënaqësi ju njoftojmë se është realizuar projekti i dytë në vlerë prej 11.000 euro, i fituar nga OSBE dhe ambasada Norvegjeze;
Ky projekt është rezultat i angazhimit të përbashkët të Këshillit Lokal për Siguri Publike (KLSP) të fshatit Pogragjë, ndaj meritat i takojnë këtij këshilli. Projekti i realizuar, i cili paraqitet edhe në fotografitë e bashkëngjitura, ka rëndësi të veçantë sidomos për sigurinë e fëmijëve që çdo ditë shkojnë në shkollë, duke ua bërë lëvizjen më të sigurt dhe më të mbrojtur.
Falënderojmë OSBE-në dhe ambasadën Norvegjeze për mbështetjen dhe financimin e projektit, Erduan Gjigolli, menaxherin e projektit, po ashtu, shprehim falënderim për Policinë e Kosovës për bashkëpunimin e vazhdueshëm, si dhe një falënderim të veçantë për Fidan Salihun për hartimin e projektit.
Anëtarët e Këshillit Lokal për Siguri Publike (KLSP) të fshatit Pogragjë janë: Fatbardh Hajrizi, Avdil Islami, Arton Fetahu, Betim Ferizi, Samir Aliu, Valdrin Rashiti, Arsim Ferizi dhe Adem Ramadani.
Faleminderit të gjithëve për përkushtimin dhe punën në të mirë të komunitetit.
