Partia e Drejtësisë dega në Gjilan, reagon ndaj Komunës së Gjilanit për ngecjet në ndërtimin e stadiumit të qytetit, respektivisht me qëndrimin në heshtje të përgjegjësve ndaj këtij institucioni kaq të rëndësishëm për futbollin.
![](https://kryelajmi.com/wp-content/uploads/2022/09/pd.jpg)
Ka kohë që nuk punohet brenda stadiumit, ashtu siq nuk punohet as jashtë saj.
Qytetit po i mungon stadiumi.
Qytetit i është vënë sipër një logo e re, ku shkruan “këtu punohet”, e që realisht asnjëherë nuk përkon me realitetin.
Gërmadhat kanë zënë vendin e tifozëve.
Qytetarëve u mungojnë brohoritjet, u mungojnë të dielat sportive, u mungojnë festat e tifozëve të bashkuar. Nuk janë tifozët e klubeve Gjilanase vetëm të rinjtë. Aty dhe jashtë saj gjenë përkrahës të të gjitha moshave.
Ky qytet i sportit, deshën apo nuk deshën do të mbetet i tillë, do të mbetet qyteti me tifozët më të mirë jo vetëm në Kosovë por edhe më gjerë.
Partia e Drejtësisë dega në Gjilan, kërkon që angazhimit rreth ndërtimit të stadiumit të qytetit t’i vihet pikë, dhe ky projekt të marrë fund sa më shpejt të jetë e mundur.
Zgjidhjes t’i dilet zot dhe mos të lihet mënjanë problemi duke arsyetuar mos punën me arsyet burokratike.
Partia e Drejtësisë dega në Gjilan