Një tjetër futbollist i dalë nga akademia e klubit, i jep fund aventurës me Gjilanin. Pas Arbër Mustfaës edhe mbrojtësi Kujtim Dubova e mbyll marrëveshjen me ‘kuqebardhët’, shkruan Gazetasheshi.com.
“Dua të ju njoftoj që prej sot e tutje jam lojtarë i lirë dhe nuk jam më pjesë e SC Gjilanit.
Falemnderoj tifozërin Skifterat dhe gjith ata që më përkrahen brenda klubit”, deklaroi Dubova.
“Jam një futbollist i lirë, pasi që marrëveshja e huazimit te Vllaznia e Pozheranit ka përfunduar. Do të shikoj me kujdes ofertat dhe do të vendos për të ardhmen e time”, shtoi ndër të tjerash mbrojtësi 20 vjeçar.
Dubova, i cili karrierën e nisi te SC Gjilanit, gjithashtu ishte pjesë e klubeve si Kika dhe Vllaznia e Pozheranit.
Qendërmbrojtësi gjilanas ishte pjesë e skuadrës kampione të 19 vjeçarëve të Gjilanit dy edicione më parë.
/Gazeta Sheshi/
