“Për fushën dua të them se stafi ka bërë maksimumin, por reshjet e shiut ishin gjatë gjithë natës, dhe kjo e bëri të vetën”, deklaroi Nuhiu për “Super Sport Kosova”.
Më pas shefi i shtabit teknik te ‘bardhekaltërit’ foli edhe për fitoren e realizuar ndaj kryeqytetasve.
“Lojtarët treguan karakterin e tyre pas disfatës ndaj Ballkanit, më vjen mirë për reagimin e tyre dhe për shpirtin luftarak të tyre. Sot fituam me plotë meritë, por dua të falënderoj edhe tifozët që ishin fantastik në fitoren e sotme”, përfundoi tekniku shkupjan.
