Sportet me dorë

Vashat e SHF “Selami Hallaqi” dhe djemtë e SHF “Agim Ramadani” më të mirët ndër filloristë në volejboll

Kanë përfunduar garat shkollore në volejboll për shkollat fillore të komunës së Gjilanit, në të cilat kanë marrë pjesë një numër i konsiderueshëm i ekipeve përfaqësuese të shkollave të komunës së Gjilanit. Ndeshjet janë luajtur në Sallën e Sporteve të Shkollës Fillore “Selami Hallaqi” në Gjilan dhe ato janë përcjellë nga një numër i konsiderueshëm i shikuesve të të gjitha moshave.

Pas disa lojërave interesante në konkurrencën e femrave kanë ngadhënjyer vashat e Shkollës Fillore “Selami Hallaqi” të Gjilanit, të cilat patën paraqitjen më të mirë dhe ku është vërejtur edhe puna e trajnerit që është bërë me këto vasha.

Gara tejet interesante janë zhvilluar edhe në konkurrencën e meshkujve, ku më të mirët dolën nxënësit e Shkollës Fillore “Agim Ramadani” të Zhegrës, të cilët ishin më të mirë se bashkëmoshtarët e tyre.

Ndeshjet me plot autoritet i ka drejtuar Arben Bislimi, mësimdhënës i Kulturës Fizike, kurse sipas Blerim Sylejmanit, kryetar i Sporteve Shkollore në Gjilan, garat do të zhvillohen edhe në sporte të tjera.

Më të mirët u nderuan me mirënjohje e kupa.

You Might Also Like