Njëri prej tyre është Valdrin Rashiti, trajneri i “VR CrossFit”, të cilin e vizituam sot.
Respekt dhe mirënjohje të veçantë për Valdrinin dhe “VR CrossFit”.
Takim që të motivon t’i ndjekësh qëllimet deri në fund,
“Kimi-Cafe & Cake House”, dikur i njohur si Egipat, tashmë prej mbi 60 vitesh në treg, është lider në gatimin dhe përgatitjen e ëmbëlsirave moderne dhe me përplot shije në Gjilan.
Bashkë me kandidatët tanë për Asamble Komunale, Burim Elezi dhe Driton Nuhiu si dhe kryetarin e Nëndegës Iliria, Nehat Ibrahimi, ishim për vizitë tek punëtoria e “Kimi-Cafe & Cake House”, në Lagjjen Iliria.
Ky brend tregon qartë se shija dhe përkushtimi janë kthyer në emër të përfaqësimit të qytetit tonë në tryezat e ahengjeve të shumë familjeve.
Në punëtorinë e tyre u njohëm për së afërmi me punën e jashtëzakonshme që bëhet çdo ditë me shumë dashuri, me kujdes të veçantë dhe mbi të gjitha, me kreativitet të jashtëzakonshëm.
Bizneset tona, qytetarët tanë dinë të punojnë, kanë ide dhe guxim.
Ajo që u mungon është mbështetja e institucioneve, e këtë gjë ne do ta ndryshojmë bashkë.
Në qeverisjen tonë të ardhshme, do t’i japim jehonë dhe vëmendje në çdo nivel.
Sepse bizneset tona meritojnë mundësi edhe shumë më të mëdha.
Faleminderit shumë pronarëve, Shkëlzen dhe Visar Azizi, si dhe stafit të “Kimi-Cafe & Cake House”, për mikpritjen dhe punën e veçantë që po e bëjnë.
Ju jeni krenaria e qytetit dhe bashkë me ju, do ta realizojmë vullnetin e qytetarëve për Gjilanin e ri.
Nder dhe kënaqësi të vizitojmë “Lura Agroturizem”, një vend fantastik në zemër të fshatit turistik të Makreshit, pronë e mikut tonë të përzemërt, Gani Buca.
Një kombinim perfekt i restorantit modern klasik, shtëpive malore për turizëm, dhe pemishteve e kopshteve që të ftojnë të relaksohesh e inspirohesh në natyrë.
U njohëm nga afër me punën e jashtëzakonshme të pronarit Ganiut me djalë dhe stafit, të cilët çdo ditë punojnë me pasion për të ofruar një eksperiencë të veçantë për vizitorët.
Ky vend tregon qartë se edhe në zonat tona rurale mund të krijohen biznese që bashkojnë traditën me inovacionin dhe mikpritjen si dhe mundësisë për sjelljen e turistëve të rinjë.
Faleminderit shumë për mikpritjen dhe për gjithë përkushtimin që po tregoni!
Me ju dhe me ide të tilla, fshatrat tona turistike po marrin një pamje krejt tjetër dhe po bëhet destinacion për të gjithë që duan natyrë, qetësi dhe shije të mirë.
Mbi të gjitha, pas 12 tetorit, do të krijojmë politika të mirëfillta publike për të investuar në turizëm, për të krijuar kushte të favorshme për investime, e veçanërisht, në lobim për të ftuar turistë të huaj.
