Ndeshja e parë finale e play-offit ndërmjet Klubit të Volejbollit Drita – femrat dhe Skenderajt do të zhvillohet nesër (e enjte) me fillim në orën 20. Kjo ndeshje do të luhet në Palestrën e Sporteve “Bashkim Selishta – Petriti” në Gjilan, kurse kampione do të shpallet ajo ekip që i arrinë dy fitore. Ndeshjet do të zhvillohen sipas sistemit vendas – myusafir, ku përparësinë e terrenit vendas e ka KV Drita ngase në fazën garuese kishte zënë vendin e parë. Ndeshja e radhës do të zhvillohet në Skenderaj, kurse ndeshja e tretë eventuale sërish do të zhvillohet në Gjilan.
Të rikujtojmë se KV Drita në gjysmëfinale e kishte mundur KV M-Technologie me rezultat 2:1 në lojë, humbje-fitore-fitore, kurse KV Skenderaj në dy ndeshje ishte më i mirë se Fer Volley nga Ferizaj, me rezultat 2:0 në lojë.
Kampionati Kosovës – Volejboll
FINALE PLAY-OFF
Finalja Loja 1-rë
KV DRITA – Femrat – KV Skenderaj
E enjte, 04 maj 2023
Ora 20:00
Palestra e Sporteve “Bashkim Selishta-Petriti” në Gjilan
