Komuna e Gjilanit fillon inspektimin e ndërtesave me ashensorë

Pas pranimit të ankesave nga banorët e ndërtesave të cilët janë përdorues të ashensorit, Drejtoria e Inspekcionit ka filluar inspektimin e ashensorëve në mënyrë periodike, duke përfshirë çdo problem potencial teknik, sigurie ose funksionaliteti.

Pas përfundimit të inspektimeve të nevojshme, përfunduam se shumica e ashensorëve janë jo të sigurte dhe jo funksionalë, si dhe nuk janë të pajisur me certifikatë konformiteti. Inspektorët e ndërtimit do të vazhdojnë me inspektime të vazhdueshme deri në zbatimin e rekomandimeve tona.